ഭരണത്തുടർച്ച 

രാജാവ് നഗ്നനായിരുന്നു 

പ്രജകളും 

മാനുഷരെല്ലാരും ഒന്നുപോലെ , ആമോദത്തോടെ വസിക്കും കാലം 

കേരളത്തിന്റെ അഭിമാനമുണ്ടിനും മുൻപുള്ള കാലം .

ആ മനോഹര തീരത്തിലേക്കു  തുണിയുടുത്ത ഒരു യാത്രികൻ വന്നെത്തി 

ഒന്ന് പരിഭ്രമിച്ച രാജാവ് വിളിച്ചു പറഞ്ഞു :

" അവന്നു കുഷ്ഠമാണ് ; വ്രണങ്ങൾ തുണി വെച്ച് കെട്ടിയിരിക്കുന്നത് കണ്ടില്ലേ ?'

പ്രജകൾ തലകുലുക്കി വിളിച്ചു പറഞ്ഞു :  "അവന്ന് കുഷ്ഠമാണ് "

അവർ അവനെ കല്ലെറിഞ്ഞോടിച്ചു .

അങ്ങിനെ സോഷ്യലിസം പുനഃസ്ഥാപിതമായി 

മാനുഷരെല്ലാരും ഒന്ന് പോലെ തുണിയുടുക്കാത്തവരായി .

പ്രജാ വത്സലനായ രാജാവ് ഒരു നൂറ്റാണ്ടു കൂടി ഭരണം കയ്യാളി - 

ഭരണമാറ്റമില്ലാതെ